سعيد الأرتيست: حسن شاكوش دخيل على نقابة الموسيقيين

فى سينما وتلفزيون

الاثنين , 6 سبتمبر 2021 - 22:09

هاجم عازف الإيقاع الشهير سعيد الأرتيست مطرب المهرجانات حسن شاكوش، بعد جملة صدرت عنه على المسرح في إحدى الحفلات.

وفي تصريحات لبرنامج ET بالعربي، قال سعيد الأرتيست: "دي نقابتي أنا وكل الموسيقيين، وده دخيل علينا، ده عضو منتسب، شطبه ويتقطع ورقه كده ومع السلامة. أنا بتكلم عن شاكوش، مليش دعوة برضا ولا ليا دعوة ببيكا. دول دخلاء، ودول حد مدعمهم عشان يبوظوا المزيكا في مصر."

من جانبه وجه حسن شاكوش من داخل نقابة المهن الموسيقية اعتذارا عما بدر منه، وقال: "بوجه رسالة للناس اللي هما الطبالين، ده كان قصدي في الفيديو، إن لما الأب بيسيب البيت سايب البنت بتطلع ممكن خلاص. إنما أنا أصلا مليش دعوة بالطبال نفسه. ودي كانت ساعة غضب وطبعا عمرها ما هتتكرر تاني. وأنا من قلب النقابة بتأسف للنقابة، وبتأسف لكل طبال وعازف، وبتأسف لأي حد وجمهوري."