"شيكابالا": الإعلام لم يظهر تهنئتي لـ موسيماني بعد نهائي إفريقيا

فى سينما وتلفزيون

الأحد , 5 سبتمبر 2021 - 00:09

استعاد كابتن نادي الزمالك محمود عبد الرازق "شيكابالا" الحوار الذي دار بينه وبين بيتسو موسيماني، المدير الفني للأهلي، قبل وبعد نهائي إفريقيا.

وخلال لقائه مع الإعلامي عمرو أديب في برنامج "الحكاية" على قناة MBC مصر، قال "شيكابالا": كتير صحابي أهلاوية وبينا احترام، مفيش حاجة، بس الناس بتوصل للناس حاجات مبتحصلش. الناس بتشوف اللقطة اللي في الماتش بس، بس بره الماتش مبتشوفش إن إحنا كلنا أصحاب. يعني لو في المنتخب عندنا معسكر بتلاقي كل الناس قاعدة مع بعض بس الإعلام مبيوصلش الحاجات دي، عايزين يوصلوا حاجات معينة."

وأضاف: "أنا بعد ماتش نهائي أفريقيا، رحت لمستر موسيماني وسلمت عليه وقلتله مبروك، بس هما مجابوش الحاجات دي. قبل الماتش كان بيهزر معايا وبيقوللي مش حتعملها النهاردة لتالت مرة، وأنا عملتها تاني."