نور إيهاب: نفسي أمثل حاجة كبيرة مع منى زكي

فى سينما وتلفزيون

الأربعاء , 1 سبتمبر 2021 - 03:22

أعربت الفنانة نور إيهاب عن رغبتها في التمثيل أمام الفنانة منى زكي، في مشاهد مساحتها أكبر من مساحة مشاهدهما معا في مسلسل "لعبة نيوتن".

وفي حوارها مع الفنانة إسعاد يونس في برنامج "صاحبة السعادة" على قناة dmc، قالت نور إيهاب: "لعبة نيوتن يشكل حاجة كبيرة قوي بالنسبالي لكذا سبب. أول سبب أنا بحب أستاذ تامر محسن جدا، وبحب منى زكي قوي. مشاهدي معاها مكانتش كتير، نفسي أمثل معاها حاجة أكبر."

وأضافت: "تاني حاجة أنا كنت طالعة محجبة، وكان ده بالنسبالي دور مختلف قوي، وكان خمار، وكنا في عيلة مؤنس. مكانش دور كبير زي ضد الكسر، وعدد المشاهد مش كتير، بس بالنسبالي دور مميز وكل مشهد باتعلم فيه حاجة."

وعن علاقتها بالفنانة مايان السيد، والفنان آدم الشرقاوي، قالت: "مايان أصلا صاحبتي قوي، فإحنا كنا بنحاول نطلع ده بكل الطرق. آدم بجد شخص كويس قوي، والناس بتحبه في اللوكيشن لإنه على حقيقته أحلى من التليفزيون. ومع إنه ممثلش كتير، وأول مرة تمثيل في مصر بس بروفيشنال."