أعرب الفنان محمد محمود عن امتنانه البالغ للفنانة إسعاد يونس، بسبب إسناد دور "ممس" في فيلم "أمير البحار" له.
وخلال استضافته في برنامج "صاحبة السعادة" على قناة dmc، قال محمد محمود: "أستاذة إسعاد يونس يا جماعة ربنا جعلها سبب إني أبقى سعيد. أنا خرجت بالدور ده من عنق الزجاجة."
وأضاف: "قبل الدور ده أنا 30 سنة باشتغل مسرح، ولا يقارن عدد الناس اللي شافوني في الـ 30 سنة، سواء في المسرح الخاص أو العام، بعدد الناس اللي شافوني لما الفيلم اتعرض مرة واحدة في التليفزيون. كنتي سبب سعدي، وسبب سعادة أولادي، لن ينسوا لك أبدا يوم العرض الخاص لما قلتي لهم أبوكو راجل عظيم."
يذكر أن فيلم "أمير البحار" من بطولة محمد هنيدي، وإنتاج إسعاد يونس، وتأليف يوسف معاطي، وإخراج وائل إحسان.