نضال الشافعي: خفت يرشحوني لدور من الناس الوحشة في "الاختيار2"

فى سينما وتلفزيون

الأحد , 29 أغسطس 2021 - 03:00

شرح الفنان نضال الشافعي سبب قلقه بعد ترشيحه للمشاركة في مسلسل "الاختيار 2" كضيف شرف.

وفي مقابلته مع الإعلامي عمرو الليثي في برنامج "واحد من الناس" على قناة الحياة، قال نضال الشافعي: "لما جالي الترشيح أعمل الاختيار، في الحقيقة قلقت شوية، لإني خفت من موضوع الألوان والتفاصيل يودوني للناس الوحشة. كنت حابب أساعد في تجسيد بطولة، وحسيت للحظة إنها شهادة حق لازم تتقال في حق أهل سينا، ومسؤولية كبيرة جدا."

وأضاف: "كان أول خطوات المسؤولية دي عشان أكون قدها أحترم لهجتهم. أول ما قريت المشهد الأساسي كلمت المسؤولين في الشركة المتحدة وسينرجي، وقلت لهم لو سمحت أنا عايز حد من أهل سينا يقول لي المشهد بلسانه، وقعدت حوالي أسبوع أحفظ في المشهد بنفس اللهجة السيناوية."