أوضحت الفنانة منى زكي أنها فكرت كثيرا في اعتراف زوجها، الفنان أحمد حلمي، لها بحبه قبل سفرها للعمل في فيلم "أفريكانو"، وفكرت في احتمال رفض أهله لزواجهما.
وخلال استضافتها في برنامج "صاحبة السعادة"، الذي تقدمه الفنانة إسعاد يونس على قناة dmc، قالت منى زكي: "الوقت اللي أخدته أفكر فيه، كان عندي إحساس هو إزاي أهله حيوافقوا. ما أنا ممثلة، وإنك تبقي ست وبتمثلي في وطن عربي عموما ده شيء صعب."
ووصفت منى زكي اعتراف أحمد حلمي بحبه بأنه كان مفاجئا لها ولحظة غريبة، لأنهما كانا في مرحلة الصداقة، ولهذا لم تعرف كيف ترد عليه.
وأضافت: "كان جوايا إن ده حد من صحابي اللي بحب أقعد معاه جدا، وبحكيله حاجات كتير. بعدين سافرت أشتغل، وطول ما أنا في السفر الموضوع مش رايح من بالي. ابتديت أراجع حاجات كتير في صفات أحمد. فابتديت أحس إن عنده نبل ورقي وطيبة في التعامل مش عادية، وإني عمري ما شفت حد فنان بالشكل ده، وعنده تسامح يفوق أي حد قابلته في حياتي قبل كده."