أوضحت الفنانة منى زكي أن مشاهدها مع الفنان محمد فراج في مسلسل "لعبة نيوتن" كان من بينها الكثير من المشاهد الصعبة والقوية في الأداء.
وخلال استضافتها في برنامج "صاحبة السعادة" على قناة dmc، سألت مقدمة البرنامج الفنانة إسعاد يونس منى زكي عن الممثل الذي حملت هم أدائه القوي أكثر، هل كان محمد فراج أم محمد ممدوح "تايسون"، فأجابت: "هما الاتنين، بس فراج ميبانش عليه خبيث، مخبي شطارته. أنا بالنسبالي تايسون تكنيكه في التمثيل إيه الإبهار ده. إزاي بيتنقل من إحساس لإحساس كده، والاتنين صادقين وحلوين قوي كده. فراج يحسسك إنه مش مركز، بس في الآخر لما تقفي تعملي المشهد تلاقيه تمام وعظيم وخطير."
وعن المشاهد التي صدمت فيها بأداء محمد فراج، قالت: "مشاهد كتير، مشهد الاغتصاب أو محاولة الاغتصاب كان حلو قوي. مشهد لما كان في بينا توتر قبل ما يكتشف إن أنا مخبية عليه وإني اطلقت."