منى زكي عن أسباب قوة "لعبة نيوتن": الأحداث جاية بالراحة وفيها نار والعة

فى سينما وتلفزيون

الثلاثاء , 24 أغسطس 2021 - 01:08

أوضحت الفنانة منى زكي أن أحد أسباب قوة مسلسلها في رمضان الماضي "لعبة نيوتن"، الطريقة التي كتبت بها الأحداث.

وخلال لقائها مع الفنانة إسعاد يونس في برنامج "صاحبة السعادة" على قناة dmc، قالت منى زكي: "أنا عموما بحب أشتغل مع مخرجين ليهم رؤية وشخصية، وأحب إن إحنا نتناقش في وجهات النظر، وأكيد أستاذ تامر محسن عنده كل المواصفات دي."

وأضافت: "عجبني الكاركتر، وأستاذ تامر حكالي معظم اللي حيحصل، وابتدينا نصور. كان معانا شوية حلقات مكتوبة حلوة قوي. ورشة جميلة كلهم ناس موهوبة لأبعد الحدود من وجهة نظري."

وتابعت: "كل كاركتر ليه طعم، والأحداث حلوة ومش مفتعلة، جاية كده بالهداوة وفي نفس الوقت تحسي في نار والعة. بعد كده أستاذ تامر ابتدى يقوللي مين الممثلين، وأنا كان نفسي قوي أشتغل مع تايسون، لإني عمري ما كنت اشتغلت معاه."