إسعاد يونس: منى زكي كائن لازم يتذاكر

فى سينما وتلفزيون

الثلاثاء , 24 أغسطس 2021 - 00:08

أشادت الفنانة إسعاد يونس بضيفتها في أولى حلقات الموسم الجديد من برنامج "صاحبة السعادة" على قناة dmc، الفنانة منى زكي، وتأثيرها الكبير على أبناء جيلها، ووصفتها بأنها "كائن لازم يتذاكر".

وفي مقدمتها لحلقة الليلة، قالت إسعاد يونس لمنى زكي: "دايما أبصلك أحس إن البني آدم مننا، المتلقي الطبيعي، بيبقى زي ما تقولي واقف في بحيرة جميلة وحواليه دواير ودواير أوسع. فيبزغ نجم فنان أو فنانة شابة زيك، فتشوفيها من أوسع دايرة، وتعجبك وتقولي لطيفة، وبعدين تقوم لاعبة حاجة كمان تلاقيها راحت داخلة الدايرة الأقرب شوية."

وأضافت: "بالذات أولاد جيلك، إنت بالنسبالي أشوفك في أولاد جيلك من الدايرة الواسعة فضلتي تقربي دايرة دايرة، لحد ما بقيتي فعلا ملتصقة بأولاد جيلك كلهم، من كتر ما عشتوا مع بعض حاجات، وإنت شخصتي لهم حاجات تهمهم في حياتهم، وقضايا مهتمين بيها جدا."

وتابعت"إنت فعلا يا منى من أول ظهورك كائن لازم يتذاكر."