مخرج "200 جنيه" يكشف خطة عودة إسعاد يونس للسينما

فى سينما وتلفزيون

السبت , 21 أغسطس 2021 - 20:08

يشكل فيلم "200 جنيه"، المقرر طرحه في دور العرض بتاريخ 25 أغسطس، عودة للفنانة إسعاد يونس للسينما، ومن اللقطات الأولى لها، بدأ الجميع يتحدثون عن أدائها المميز.

مخرج الفيلم محمد أمين كشف في مقابلة مع برنامج ET بالعربي خطة عودة إسعاد يونس للسينما قائلا: "ده كان رأي مشترك بيني وبين أستاذ محمد عبد الحميد منتج الفيلم. إن إحنا عايزين نخلي أستاذة إسعاد ترجع في دور اجتماعي ودور حلو، وفي نفس الوقت يكون بعيد عن شخصيتها في صاحبة السعادة."

يعتبر "200 جنيه" بطولة جماعية تضم باقة من النجوم، وعن ذلك قال محمد أمين: "الفيلم ده فيه حاجة لطيفة جدا إن الممثلين النجوم اللي في الفيلم هما أول اختيار، وده عادة مبيحصلش في الأفلام. من حسن حظنا كل النجوم كان عندهم نضج فني وسعة أفق فني. مش حكاية إني حطلع تلت ساعة على الشاشة أو ساعتين، قاسوها بالتجربة الفنية، هل هي تجربة محترمة ولطيفة ومسلية، عشان كده الموافقة كانت بالنسبة لهم سهلة."

وأضاف: "المؤلف يقصد بالـ 200 جنيه إنها ما هي إلا مبرر فني للدخول في حياة شرائح مختلفة من المجتمع. هي الدليل اللي بيقودنا أثناء الفيلم، وهي بتتنقل من أسرة لأسرة، ومن شخص لشخص، فنشوف حياة الشخص والأسرة."

يذكر أن فيلم "200 جنيه" من تأليف أحمد عبد الله، وإخراج محمد أمين، ويشارك في بطولته مجموعة من النجوم من بينهم إسعاد يونس، أحمد السقا، ليلى علوي، خالد الصاوي، أحمد آدم، غادة عادل، هاني رمزي، نيللي كريم، أحمد رزق، عمرو عبد الجليل، أحمد السعدني، آسر ياسين، محمد فراج، طارق عبد العزيز، دينا فؤاد، ومي سليم.