أحمد فهمي يكشف صعوبات واجهت تصوير "العارف" خارج مصر

فى سينما وتلفزيون

الثلاثاء , 17 أغسطس 2021 - 20:08 | اخر تحديث: الثلاثاء , 17 أغسطس 2021 - 20:08

كشف الفنان أحمد فهمي عن صعوبات واجهت تصوير فيلم "العارف"، الذي يعرض حاليا، ويجسد فيه شخصية الإرهابي الشرير "راضي"، بعيدا عن نوعية الأدوار الكوميدية التي اشتهر بها.

وفي مقابلة مع برنامج ET بالعربي، قال أحمد فهمي: "إن إنت تطلع فيلم مصري بالكواليتي دي، دي حاجة صعبة جدا. في سفر كتير قوي وده يحسب للإنتاج. لإن إنت بتتكلم في كام بلد، واختلاف عملة، ومصاريف كتير جدا. كاست كامل وكرو يسافر يصور، حتسيطر على ده إزاي. ومن الناحية الإخراجية في تفاصيل كتير جدا، معاك ممثلين كتير قوي وأسماء كبيرة، إزاي كل الناس دي تطلع في هارموني بينهم."

وتعليقا على تصدر فيلم "العارف" إيرادات الأفلام المصرية على مدى ثلاثة أسابيع، قال أحمد فهمي: "الإيرادات مش حتشجعني أنا بس، ولا حتى طقم الفيلم كله، حتشجع السوق كله. لما فيلم زي العارف يعمل أرقام كبيرة زي دي حتشجع الجمهور ينزل السينما، وتشجع الناس تعمل أفلام أكتر، لإن فترة الكورونا كان فيها ركود."

كما علقت الفنانة هنا الزاهد، زوجة أحمد فهمي، على تقديمه دورا بعيدا عن الكوميديا، وقالت: "أول ما جاله الفيلم قلت له ده خطر لو معملتوش صح. بس لما شفته أنا كرهته، والله حبيته قوي في الجد، وطبعا في الكوميديا، ناقص الرومانسي، هو بيقول مبعرفش أطلع رومانسي."

يذكر أن فيلم "العارف" تم تصويره بين أربع دول هي مصر، وإيطاليا، وبلغاريا، وماليزيا، والفيلم من بطولة أحمد عز، كارمن بصيبص، أحمد فهمي، محمود حميدة، مصطفى خاطر. سيناريو محمد سيد بشير، وإخراج أحمد علاء الديب.