مريم محمود الجندي: بابا أكتر واحد شجعني على التمثيل وأنا كنت باعند

فى سينما وتلفزيون

الأحد , 15 أغسطس 2021 - 01:43

أوضحت الممثلة الشابة مريم محمود الجندي أن والدها، الفنان الراحل محمود الجندي شجعها على التمثيل بقوة.

وخلال استضافتها في حوار مع الإعلامي عمرو الليثي، في برنامج "واحد من الناس" على قناة الحياة، قالت مريم محمود الجندي: "بابا أكتر واحد كان بيشجعني، قبل ما أنا أقرر أعمل كده. قعدت أعند كتير بس كان عارف، حتلفي تلفي وده اللي حتعمليه في الآخر، وأنا عارف إن ده اللي بتحبيه."

وردا على سؤال عن تمثيل والدها وأعماله الأحب إليها، قالت: "أكتر حاجة كانت بتعجبني إنه أي حاجة يعملها تصدقها، وكان طبيعي جدا ويخش القلب علطول. باحب كل أعماله بس أكتر حاجة مرتبطة بيها علشان خاطر عيونك و كوكي كاك."

يذكر أن مريم محمود الجندي شاركت في الموسم الرمضاني الماضي بدور زوجة إرهابي في مسلسل "الاختيار 2".