حمو بيكا عن خلافه مع عمر كمال: مش عايز أعرف الناس دي تاني

فى سينما وتلفزيون

الاثنين , 26 يوليو 2021 - 01:26 | اخر تحديث: الاثنين , 26 يوليو 2021 - 01:34

أعرب مغني المهرجانات حمو بيكا عن استيائه من تصريحات للفنان عمر كمال عنه في برنامج "الحكاية" على قناة MBC مصر.

وخلال مداخلة هاتفية مع الإعلامي عمرو أديب ببرنامج "الحكاية" على قناة MBC مصر، قال حمو بيكا: "يا أستاذ عمرو أنا الناس دي وقفت معاها كتير، قبل ما يبقى عمر وقبل ما يعمل أغاني. ولما حصل معايا حاجة الناس دي بيسيبوني. والناس دي أول أغاني إتشهرت ليهم كنت أنا اللي عاملها. المزيكا بتاعتي والكلمات بتاعتي. شمس المجرة اللي كاتب الكلام إسلام المصري اللي بيشتغل معايا، واللي موزع المزيكا فيجو الدخلاوي اللي شغال معايا."

وعن احتمال الصلح بينهما، قال: "أنا قلبي أبيض مبعرفش أزعل من حد، بس مش كل مرة يحطوا عليا وأسكت لهم. فأنا الناس دي مش عايز أعرفهم ولا أكلمهم تاني."

وعن استيائه من وصف عمر كمال له بأنه "مبيعرفش يغني"، قال: "أنا ممكن أسجل 5 أو 7 أو 8 أغاني في اليوم، هو مبيقدرش يكمل أغنية، وكان بيعذبنا عقبال ما يخلص الأغنية. دي لعبة غير مجاله، هو بيقول أنا مطرب، المهرجانات عايزة مؤدين مش مطربين."