هاني محروس يرد على دياب: عيب نحلف كذب..كان معمول لك مرتب شهري

فى سينما وتلفزيون

الاثنين , 26 يوليو 2021 - 00:07

رد المنتج ومهندس الصوت هاني محروس على تصريحات للفنان دياب لبرنامج "الحكاية"، تحدث فيها عن تعطيل المنتج نصر محروس لمسيرته الفنية.

وخلال تقديمه حلقة الأحد من البرنامج على قناة MBC مصر، أعطى الإعلامي عمرو أديب حق الرد لهاني محروس، الذي قال: "براحته يقول اللي هو عايزه طبعا، بس عيب لما نحلف كذب. كل عقود المحترفين لازم تكمل بطريقة مظبوطة، مينفعش لاعب كورة بعد ما يكبر ويبقى مهم يسيب النادي، وما يبقاش لحد حاجة عنده."

وأضاف: "نصر محروس عمل لدياب 27 أغنية، 9 منها إتصوروا فيديو كليب. خلال 14 سنة كان موجود فيها في الشركة، عمل ألبومين و5 سناجل، بس حضرتك متحسبليش 4 سنين أيام الثورة محدش اشتغل فيهم، واتهدروا من عمرنا كفنانين. وفي قبلهم كام سنة كان دياب لسه بيتقوم إنه يقف على ستيدج، ويغني في فرح، ويبقى عليه عرض وطلب."

وتابع: "عشان نصنع لدياب قاعدة جماهيرية كبيرة دي قعدت معانا فترة، معطلناهوش على الفاضي، والفترة اللي كان دياب قاعد فيها جوه الشركة ما بيشتغلش كان أخوه الكبير نصر محروس عامل له مرتب شهري زي أي حد من إخواته المسؤولين في رقبته."