عمرو أديب يتمنى الشفاء لـ ياسمين عبد العزيز: بقالنا يومين كل واحد يقول حاجة

فى سينما وتلفزيون

الأحد , 18 يوليو 2021 - 23:07

أعرب الإعلامي عمرو أديب عن تمنياته وتمنيات أسرة برنامج "الحكاية" على قناة MBC مصر، بالشفاء للفنانة ياسمين عبد العزيز.

وخلال تقديمه حلقة الأحد من البرنامج، أوضح عمرو أديب أنه لا يعرف حالة ياسمين عبد العزيز الصحية بالضبط، ودعا إلى اتباع تقليد يعمل به في الخارج، عندما تتعرض الشخصيات العامة إلى وعكات صحية.

وقال عمرو أديب: "في الغرب لما يكون في شخصيات عامة عندها ظروف زي دي، المستشفى اللي بيبقى فيها الشخصية العامة بتطلع بيانات دقيقة ومحددة، بالاتفاق مع عائلة المريض أو المريضة، مثلا في الحالة دي الفنان أحمد العوضي. إنما يبقى في بيان رسمي لهذا الأمر، لأن إحنا بقالنا يومين كل واحد يقول حاجة."

وأضاف: "طبعا الناس دي ليها معجبين وناس بتحبها وتهتم بأخبارها، وبشكل إنساني يا جماعة نطمن على بعض. هو الفنان يقعد يطلع عينه شغل، ويوم لما يعيا محدش يهتم بيه وبأخباره، ومش من باب الفضول أو النم، من باب إن إحنا ندعيلها ونقف جنبها."