أحمد عز عن "العارف": مينفعش نقدم مستوى أقل من الخواجة

فى سينما وتلفزيون

الأربعاء , 14 يوليو 2021 - 23:51

علق الفنان أحمد عز على وصف البعض أحدث أفلامه فيلم "العارف" بأنه فيلم أجنبي، تعبيرا عن الجودة العالية للفيلم.

وخلال اتصال هاتفي مع الإعلامي شريف عامر في برنامج "يحدث في مصر" على قناة MBC مصر، قال أحمد عز: "فكرة أعمل فيلم يبقى مستواه التقني أقل حاجة غير واردة، مينفعش تبقى موجودة من سنتين فاتوا. لإن الناس اللي بتخش السينما تقدر تتفرج على الأفلام على موبايلها، وشايفة كواليتي ومعايير ورؤية بصرية مختلفة، فلو إنت معملتش كده مش حتواكب."

وأضاف: "الحاجة التانية استفزتني فكرة ده فيلم خواجة لازم يبقى أحسن، لأ خالص، هو عنده نفس المعدة اللي إنت بتشتغل بيها. هي نقطة تنظيم وتفكير ونبقى مختلفين، ودي عملية عايزة كل العناصر تبقى موجودة، وده اللي حاصل في الفيلم."

يذكر أن العرض الخاص لفيلم "العارف" أقيم قبل ساعات، وحضر العرض الخاص أبطال الفيلم أحمد عز، أحمد فهمي، كارمن بصيبص. وحضر أيضا أحمد خالد صالح وزوجته هنادي مهنا، وحازم إيهاب وزوجته، وجميلة عوض.

فيلم "العارف" من تأليف محمد سيد بشير، إنتاج سينرجي، إخراج أحمد علاء الديب، بطولة أحمد عز، أحمد فهمي، محمود حميدة، كارمن بصيبص، مصطفى خاطر وحازم إيهاب.