منة شلبي عن طفل "ليه لأ 2": عمل دور صعب على ناس كبيرة في السن

فى سينما وتلفزيون

الثلاثاء , 13 يوليو 2021 - 23:59

أشادت الفنانة منة شلبي بأداء الطفل سليم مصطفى في مسلسل "ليه لأ 2"، في دور "يونس".

وخلال مداخلة هاتفية مع الإعلامي شريف عامر في برنامج "يحدث في مصر" على قناة MBC مصر، قالت منة شلبي عن سليم مصطفى: "طفل ربنا يحميه، 7 سنين وبيعمل دور صعب على ناس كبيرة في السن."

وأضافت: "هو كان ابننا كلنا، وعلاقتي بيه إتولدت في المسلسل، كان لازم يبقى في بينا هارموني، ومريم كانت كل شوية بتقعدني مع ولاد أطفال عشان نشوف في بينا كيميا ولّا لأ. الدور نادى صاحبه، وهو كان قد المسؤولية."

كما أشادت منة شلبي بالجمهور الذي تواجد أثناء تصوير أحد مشاهدها مع سليم مصطفى في المسلسل، وقالت: "التصوير كان في الشارع الساعة 11 بالليل في مركز شباب في منطقة شعبية ورا المعادي. لو مكانش معانا فريق إنتاج محترم أبقى مش خايفة، وجمهور وناس محترمة شايفة إن في كاميرا دايرة، وناس بيتعبوا عشان يقدموا حاجة، وكرو تصوير يقدر يشتغل تحت ضغط."

يذكر أن مسلسل "ليه لأ" الجزء الثاني من تأليف مريم نعوم، سيناريو وحوار دينا نجم ومجدي أمين، موسيقى تصويرية خالد الكمار، إخراج مريم أبو عوف، وبطولة منة شلبي، أحمد حاتم، مراد مكرم، مها أبو عوف، سارة عبد الرحمن، دنيا ماهر، تامر نبيل، يارا جبران ومنى أحمد زاهر.