إيساف يشرح لماذا تأخرت أغنية سمير غانم فترة بعد وفاته

فى سينما وتلفزيون

الثلاثاء , 13 يوليو 2021 - 20:38

شرح المطرب إيساف سبب تأخره في عمل أغنية مهداة للفنان الراحل سمير غانم فترة بعد وفاته، وهي الأغنية التي تحمل اسم "سيرة حلوة".

وخلال لقائه مع الإعلامية شريهان أبو الحسن، والفنانة هيدي كرم، في برنامج "راجل و2 ستات" على قناة ON، أوضح إيساف أن فكرة الأغنية ظهرت أثناء جلسات عمل خاصة بأغنية أخرى، مع الملحن شريف بدر، والشاعر أحمد شكري.

وقال إيساف: "قعدنا نتكلم عن الفنانين اللي رحلوا، والكورونا والحالة العالمية، وجت الفكرة من هنا. سمير غانم مفيش اتنين اختلفوا عليه، متيجي نعمل أغنية. السيرة الحلوة بتفرق، وبدأت الفكرة من هنا، والموضوع طلع من إحساسنا."

وأضاف: "عملنا الأغنية وإحنا قاعدين، وبعدين شغلنا على الشاشة مقاطع يوتيوب للفنان سمير غانم فحسينا الأغنية أكتر، وحسيت عايز أصورها كده. الأغنية بسيطة جدا وكنا قاصدين ده."

يذكر أن أغنية "سيرة حلوة" صدرت بتاريخ 10 يونيو الماضي، وهي من كلمات أحمد شكري، وألحان وتوزيع شريف بدر، وإخراج طارق حسين، وتقول كلماتها:

اللي سايب سيرة حلوة لما يمشي الناس تشكّر

لما بيغيب عن عينيهم حبه بيزيد حتى أكتر

لو سنين العمر خلصت اسمه عايش عمر أكبر