زينة ترد على تصريح نيللي كريم في "شيخ الحارة": أكيد مقالتش كده

فى سينما وتلفزيون

الثلاثاء , 13 يوليو 2021 - 00:09

أبدت الفنانة زينة تعجبها من تصريح للفنانة نيللي كريم في برنامج "شيخ الحارة والجريئة"، حول تأخرها عن مواعيد التصوير.

وخلال حوارها مع الإعلامي ربيع هنيدي في برنامج ET بالعربي، تلقت زينة سؤالا عن رأيها في التصريح، فأجابت: "طبعا مستحيل تكون قالت كده، حتقول كده ليه، أكيد إنت فهمت غلط. حتقول كده إزاي وهو أولا محصلش، وثانيا لو عاوزة تقول كده تقول في برنامج ولا تقولي أنا..مش حنطلع نتكلم على بعض في برامج، أكيد مش أخلاقها."

وأعربت زينة عن ترحيبها بتقديم ثنائيات على الشاشة، مثل الثنائية التي قدمتها مع نيللي كريم في مسلسل "لأعلى سعر"، وفيلم "واحد صفر"، وبسؤالها عن الثنائية التي ترغب في تقديمها قالت: "كل زمايلي مش حد معين. أي حد من زمايلي كويس وموهوب حيبقى إضافة ليا أو حبقى إضافة ليه، أو نعمل عمل كويس مع بعض، أو المخرج عاوزنا نكون مع بعض طبعا أهلا."

كما وجهت زينة رسالة للفنانة شريهان مع قرب عرض مسرحيتها "كوكو شانيل" قالت فيها: "كلنا مستنيينه، ويا رب تعمل أعمال أكتر وأكتر وتعمل فوازير وأفلام. بس أهم حاجة عندنا نشوف الاستعراضات والحاجات المبهرة واللبس. إحنا كلنا إتربينا على فوازير شريهان ولبسها وشكلها وشعرها."