نيرمين الفقي فكرت في التخلي عن التمثيل..ما علاقة العريس الدبلوماسي؟

فى سينما وتلفزيون

الأربعاء , 7 يوليو 2021 - 00:07

أوضحت الفنانة نيرمين الفقي أن التمثيل كان في البداية عائقا أمام ارتباطها، رغم تلقيها أكثر من عرض زواج.

وخلال حوارها مع الإعلامية لميس الحديدي في برنامج "كلمة أخيرة" على قناة ON، وردا على سؤال عن تأثير عملها على ارتباطها، قالت نيرمين الفقي: "في الأول التمثيل كان عائق، لأن جالي أكثر من حد كان كويس جدا، بس كانت رغبتهم كراجل طبيعي مش عايز الست بتاعتي تشتغل."

وأضافت: "أنا شفتها إن ده طبيعي يخاف على زوجته، بس مش مظبوط ميديهاش حقها في المجتمع إنها تنجح، وتحقق موهبة من عند ربنا سبحانه وتعالى."

واستعادت نيرمين الفقي الظروف التي فكرت فيها في التخلي عن الفن، وقالت: "في نفس الوقت جالي حد كان في السلك الدبلوماسي. هو بحكم مهنته طبعا كنت حسافر معاه فمكانش حيبقى في فن. هنا أنا قبلت أسافر وكنت حعيش معاه بره، بس الارتباط متمش..كان في إعجاب طبعا واقتناع في الأول، لكن مع المعاشرة والحياة بتكتشفي حاجات تانية ممكن تقلقك جدا، فمكملناش الموضوع."