كشفت الفنانة دينا سر إطلالتها التي لفتت الجمهور من خلال صور لها أثناء وجودها في أسوان.
وفي تسجيل صوتي أذاعه برنامج ET بالعربي، قالت دينا: "أولا أشكر كل الجمهور اللي عجبه اللوك بتاعي. أنا مبسوطة جدا بصرف النظر عن إن في حد قال إني عملت عظم وشي. دي عملية صعبة إنها تتعمل، والمفروض أغيب عنكم من 9 شهور لسنة وده محصلش..أما اللي بيقولوا عملت مناخيرها، أنا إتكسر الغضروف بتاعي من 3 سنين وعملت مناخيري من 3 سنين."
وعن سر إطلالتها قالت: "بطلت سجاير بقالي 6 شهور، وملتزمة بنظام غذائي بقالي 6 شهور. باكل كل حاجة بس بنظام، وده فرق في وشي..أنا متشكرة لإني عاملة مجهود مضني، ومتشكرة لإنكم خدتوا بالكم إني عاملة مجهود. أنصحكم تحقنوا فيتامين في وشكم، ودي أكتر حاجة بعملها. وأتمنى كلكم تبقوا حلوين وزي القمر."
يذكر أن دينا تتواجد في مهرجان أسوان الدولي لأفلام المرأة في دورته الخامسة، التي تعقد في الفترة من 24 إلى 29 يونيو 2021.