شارك الفنان عمرو سعد متابعي حسابه في إنستجرام فيديو يعلق فيه على الازدهار الذي يشهده الصعيد في شتى المجالات.
يقول عمرو سعد في الفيديو: "أنا في الأساس من هنا، صعيدي مأصل أبا عن جد عن جدود الجدود، ومهما بعدت وأخدتني الدنيا بارجع أحن لناسنا وأرضنا. إحنا الصعايدة القلب الأبيض، والنية الصافية والعزم الشديد، كلمتنا بالأصول حق، ومبنخافش غير من اللي خلق الخلق، دي بلدنا وسلونا. وكلمة حق عمري ما كنت فرحان قد النهاردة، وأنا شايف في كل حتة في الصعيد شغل من نار يفتخر بيه الصغير قبل الكبير."
يستعرض الفيديو، الذي أنتجته شركة ميديا هب (سعدي - جوهر)، بالتعاون مع وزارة الإسكان والمرافق والمجتمعات العمرانية، وعلى خلفية غناء الفنان محمد منير، الإنجازات التي تتم في الصعيد ومنها الوحدات السكنية ومحطات تنقية المياه، وفي مجال إصلاح الطرق القديمة وإنشاء طرق جديدة، ومشروعات الإسكان الاجتماعي، ومشروعات ترفيهية وتعليمية ورياضية.
ويتابع عمرو سعد في الفيديو: "الصعيد النهاردة بيتغير ويتطور عشان يواكب العصر اللي إحنا فيه. البنا والعمران شغالين في كل حتة ليل نهار، شغل يمكن محصلش من ييجي 150 سنة."