عمرو أديب ينتقد الهجوم على هيدي كرم وابنها: ليه في ناس مخها فيه قذارة

فى حياة المشاهير

الاثنين , 21 يونيو 2021 - 00:06

انتقد الإعلامي عمرو أديب تعرض الفنانة هيدي كرم وابنها لهجوم، بسبب نشر فيديو صورته مع ابنها بعد عودته من الجيم، وهو يحملها أثناء أدائهما تمرينا رياضيا.

وخلال تقديمه حلقة الأحد من برنامج "الحكاية" على قناة MBC مصر، قال عمرو أديب: "الفنانة هيدي كرم تعرضت إلى تنمر وتحرش لفظي غير طبيعي، وزي ما قالت في الفيديو بتاعها وهي بترد على اللي حصل، ليه في ناس مخها فيه قذارة. ده ابنها وهي بتلعب معاه رياضة، يعني مسألة ليست مثيرة لحد، أو تخلي حد يشوفها خارجة."

وأضاف: "أنا بستغرب للجرأة في هذا الأمر، اللي بيكتب ويشتم وبيعرض بحياة الناس مش هامه. هو ليه مفيش أخلاق؟ بصراحة وسائل التواصل فتحت علينا بكابورت غير طبيعي."