هاجم الكاتب والسيناريست فيصل ندا ورش الكتابة الجماعية للمسلسلات.
وردا على سؤال الإعلامي جمال عنايت في برنامج "القاهرة اليوم" عن وجود مؤلفين ملاكي حاليا، قال فيصل ندا: "طبعا، أنا مش فاهم يعني إيه مسلسل 6 يكتبوه، وبعد كده في إشراف على الكتابة، وفي الآخر يتكتب تأليف وإخراج فلان..كل واحد يمسك شخصية، ويشوف إيه الأفلام الأجنبية والمسلسلات اللي تنطبق على الشخصية دي وينقل أحداثها للمسلسل، وييجي واحد يربط المسلسل، ولذلك تلاقي الأعمال كلها مقتبسة."
وأضاف: "شخصيات مش بتاعتنا، تتفرج على المسلسل مش ممكن تقول ده المجتمع المصري بتاعنا، مش ممكن تكون دي المرأة المصرية اللي شوهوها ودمروها. رأيي الشخصي هؤلاء الناس خائنين ويجب أن يحاكموا، لأنهم بيضروا سمعة مصر والمرأة المصرية والرجل المصري..في انعدام أخلاقيات. إيه الأخ يعرف مرات أخوه، ليه الحاجات دي مظهرتش في أعمالنا القديمة؟"