هاني شاكر لـ لميس الحديدي: مجبتش البرنيطة علشان تعرفيني

فى سينما وتلفزيون

الأحد , 20 يونيو 2021 - 00:06

ظهر الفنان هاني شاكر، خلال استضافته عبر الإنترنت في حلقة الليلة من برنامج "كلمة أخيرة" على قناة ON، بإطلالته الجديدة التي لفتت الانتباه، ولكن بدون البرنيطة.

ومازح أمير الغناء العربي الإعلامية لميس الحديدي قائلا: "مجبتش البرنيطة علشان تعرفيني"، موضحا أن الشكل الذي ظهر به في صور حديثة له كان نتيجة مناقشات دارت بينه وبين فريق تصوير أغنيته "لو سمحتوا"، المخرج نضال هاني، والمصور أمين، والإستايليست محمد الشريف، وأيضا ابنه شريف.

وقال هاني شاكر: "الحمد لله وصلنا للشكل الكلاسيكي الأوروبي الإيطالي شوية، اللي هو مختلف عني جدا. عايز أشكرهم كلهم، طبعا أشكر حبيبي هيثم شاكر مدير شركة IVASE منتج الأغنية، وشركة اتصالات، وكل الناس اللي تعاونوا معايا."

وأضاف: "الهيصة الكبيرة والجدل الكبير الجميل اللي حصل ده لمجرد الصورة، هما لسه مسمعوش الغنوة ولا الفيديو، وإن شاء الله لما يسمعوا العمل كامل يعجبهم..أنا بتعتريني حالة من الجرأة، وبجد حسيت إن الغنوة لازم تتقدم بشكل مختلف، والناس تشوف صورة هاني بشكل مختلف، والتجديد حلو. أنا معملتش حاجة غريبة لكن هي حاجة جديدة عليا."

يذكر أن هاني شاكر كشف في وقت سابق الستار عن مقطع من أغنية "لو سمحتوا"، وهي من كلمات تامر حسين، وألحان عزيز الشافعي، وتوزيع جلال حمداوي.