أوضح الفنان محمد كريم أن مسيرته لتحقيق حلمه كممثل في هوليوود تأخرت 10 سنوات بسبب رفضه أداء دور الإرهابي.
وخلال لقائه مع الإعلامي عمرو الليثي في برنامج "واحد من الناس" على قناة الحياة، حكى محمد كريم حكاية النصيحة التي سمعها من الراحل عمر الشريف، وقال: "عمر الشريف من أول الناس اللي خدت رأيهم زمان. قلتله جايلي دور إرهابي في فيلم إيه رأيك. في الأول كلمته إنجليش وهو أعجب بالحته دي عشان الأكسينت كانت كويسة. مكانش يعرفني، وقاللي إنت عندك فرصة كويسة، وعايز أقول لك حاجة وإنت براحتك، لو مش حتعمل الدور غيرك حيعمله، وأنا معملتوش."
وأضاف: "رفضي أخر حلمي اللي عايز أوصل له 10 سنين. طبعا أسهل حاجة بالنسبة لك لو ربنا وفقك تبدأ تشتغل هناك تعمل دور العربي. أنا كنت معترض على الحته دي، ومن وأنا صغير في أمريكا كنت متضايق لما كنت بشوف أي حد مصري أو لبناني إما يطلع إرهابي أو يفجر نفسه، نفس النمط لو حد روسي لازم يطلع مافيا."
يذكر أن محمد كريم سبق وأن شارك في فيلم A Score To Settle مع نيكولاس كيدج، وحقق الفيلم نجاحا في دور العرض السينمائي وحاليا عبر المنصات الرقمية العالمية، وتدور أحداث الفيلم حول عضو سابق في إحدى المنظمات الإجرامية، يتعهد بعقاب زعماء عصابته، وذلك بعد قضائه 19 عامًا من السجن ظلمًا، لكن الشيء الوحيد الذي يحول دون تنفيذ خططه العنيفة، هو تطور علاقته بابنه.
كما تم الكشف عن مشاركة النجم محمد كريم في بطولة فيلم A Day to Die مع نجم الأكشن بروس ويليس، والفيلم من إخراج المخرج الأمريكي ويز ميلر.