أوضح الفنان محمد كريم أنه لم ينشغل باستقبال الفنانين المصريين لحصوله على دور بطولة أمام النجم العالمي نيكولاس كيج، في فيلم A Score to Settle.
وخلال حواره مع الإعلامي عمرو الليثي في برنامج "واحد من الناس" على قناة الحياة، قال محمد كريم: "حاجة كبيرة جدا إنك تعمل فيلم أمريكي بطل من أبطاله مصري عربي. وهي تبقى كارثة لو كل السنين اللي فاتت بشتغل عشان أعمل حاجة في أمريكا وهوليوود وأكمل فيها، عشان مين هنا شاف ومين قال. لو كنت ركزت في ده في السنين اللي فاتت عمري ما كنت عملت حاجة."
وأضاف: "في العرض الخاص للفيلم في مصر، الشركة دعت الجمهور والصحفيين، ده اللي كان مهم بالنسبالي."
وشرح محمد كريم أن أصعب مشاهده في الفيلم كان مشهدا يقوم فيه بضرب نيكولاس كيج ورميه في الزبالة، وفي البداية لم يصدق أن المشهد سيتم بهذه الطريقة، أو أن نيكولاس كيج سيوافق على ضربه، لكنه حضر لتصوير المشهد ونفذه حسب تعليمات المخرج تماما.