أوضح المنتج وليد منصور أنه ناقش مع الفنان عمرو دياب قبل فترة عودته للتمثيل.
وخلال استضافته في برنامج "القاهرة اليوم"، وردا على سؤال الإعلامية نانسي مجدي "مفكرتش ترجع عمرو دياب للتمثيل" قال وليد منصور: "معتقدش إنه حيمثل. إتكلمت معاه مرة من سنة وشوية، هو بيروح وييجي. وقال حيعمل حاجة نتفليكس أتمنى تتعمل."
واستعاد وليد منصور حكاية أول حفل ينظمه لعمرو دياب قائلا: "أنا لحد 2010 عملت حفلات كل النجوم اللي تتخيلوها ميدل إيست ومصر إلا عمرو دياب. جينا في 2011 الثورة، والجامعة الأمريكية كلموني وقالوا كمان تلات أسابيع عايزين نعمل حفلة إحنا تمام وحنأمنها. كان لسه الثورة مبقلهاش 3 أو 4 شهور فالناس بتخاف. كانوا عايزين أجيب إيكون - حد إنترناشيونال - قلتلهم ليه نجيب عمرو دياب..كانت أول حفلة أعملها لعمرو دياب، وبعدها عملتله 31 حفلة، وبقيت أكتر واحد في التاريخ عمل له حفلات. كان حلمي أعمل له حفلة عشان لما أبطل الشغلانة أبقى عملت حفلات لكل الناس وعمرو دياب."