نشأت الديهي يهاجم محمد رمضان: هات واحد يعلمك تتكلم

فى سينما وتلفزيون

الأربعاء , 9 يونيو 2021 - 21:06

هاجم الإعلامي نشأت الديهي، خلال تقديمه برنامج "بالورقة والقلم" على قناة TeN TV، الفنان محمد رمضان بسبب إعلانه عن حجز الدولة على أمواله.

وقال نشأت الديهي: "ألاقي واحد زي محمد رمضان عمال يتّنك على الدولة، وماسك المج وعمال يشرب ويقول لك الـ CIB حجز على الفلوس بتاعتي. إيه يا جماعة اللي بيحصل، هو أي حد عايز يطلع يعمل أي حاجة يعملها، هي فوضى؟ طالع الراجل في منتهى التناكة اللي في الدنيا وفي منتهى القرف، مش ممكن ده أحمد زكي ميعملهاش."

وأضاف مخاطبا محمد رمضان: "يا محمد هات واحد يعلمك تتكلم، واحد بتاع اقتصاد ولا واحد بتاع علاقات عامة، إنت ربنا فتح عليك، هات واحد يقول لك لو سمحت عشان تبقى فنان محترم والناس تحبك، الراجل الطيار اللي مات إديله حقه. ده تنفيذ حكم قضائي مش صدقة، 6 أو 7 مليون جنيه إدفعهم يا أخي."