إصابات ليلى علوي أثناء التمثيل..سقوط في الترعة وجرح خطير في اليد

فى سينما وتلفزيون

الأربعاء , 9 يونيو 2021 - 03:06

أوضحت الفنانة ليلى علوي أن صعوبات التمثيل بالنسبة لها هي أداء مشاهدها بالطريقة التي يريدها المخرج.

وخلال لقائها مع الإعلامية لميس الحديدي في برنامج "كلمة أخيرة" على قناة ON، قالت ليلى علوي: "أنا بحب الشغل، والصعب في إنك تصوري الحاجة زي ما المخرج عايز. أفتكر مرة إيدي إتفتحت وأنا بكسر قزاز في فيلم إنذار بالطاعة، لما بشوف جاري أستاذ محمود حميدة بينقوله بعربية إسعاف وأنا مش قادرة أروحله. كان ممكن يحصل حاجة وحشة لا سمح الله، وخدوني في عربية هشام سري وعاطف الطيب الله يرحمه على المستشفى عشان يخيطوهالي."

وأضافت: "وفي فيلم خرج ولم يعد وقعت في الترعة، وكان تصوير نهار، وقعدوا ينشفوني بكل سشوارات الدنيا عشان أروح أكمل الشوت. أي صعوبات تانية أنا مبفتكرهاش."