رأي ليلى علوي في شراء النجوم للتريند

فى سينما وتلفزيون

الأربعاء , 9 يونيو 2021 - 00:06 | اخر تحديث: الأربعاء , 9 يونيو 2021 - 00:06

حلت الفنانة ليلى علوي ضيفة على الإعلامية لميس الحديدي في حلقة الليلة من برنامج "كلمة أخيرة" على قناة ON، وشرحت خلال اللقاء رأيها في شراء نجوم الفن للتريند.

وردا على سؤال الإعلامية لميس الحديدي: "شايفة إن النجومية بقت سوشيال ميديا وتريند، كويس الشغل أو مش كويس، والناس تدفع للتريندات؟" قالت: "أنا بحب السوشيال ميديا بس بحبها بطريقتي. طبعا لما بشوف فستان سينيه حلو أو شنطة بنبسط، لكن ده ملوش علاقة بالممثل أو بالمطرب، ده حاجة الناس بتحبها ومهتمة بيها جدا، ملوش علاقة بهو بيمثل إيه أو نجاحاته إيه."

وتعليقا على ملاحظة مقدمة البرنامج: "النجوم الجداد بقى التمثيل عرض أزياء، شنط وجزم" قالت: "أنا مش واخدة بالي من الحتة دي. بس أنا بشوف إن في ممثلين جداد كويسين قوي، مثلا في مسلسل منى زكي الشاب اللي كان معاها في أمريكا، مش معقول كان هايل، تلقائي جدا وطبيعي جدا، ومع الأستاذ يحيى الفخراني، التلات ولاد والبنات كانوا هايلين جدا، في كتير."

يذكر أن النجمة ليلى علوي يعرض لها حاليا فيلم ماما حامل، من بطولتها مع بيومي فؤاد، حمدي الميرغني، محمد سلام، هدى الإتربي، نانسي صلاح، والفيلم من تأليف لؤي السيد، وإخراج محمود كريم.