تعليق طريف من سميرة سعيد على "الساعة اتنين بالليل"

فى سينما وتلفزيون

الأربعاء , 9 يونيو 2021 - 00:20

علقت الفنانة سميرة سعيد بطريقة طريفة على أغنيتها الجديدة "الساعة اتنين بالليل".

وخلال مداخلة هاتفية مع برنامج "كلمة أخيرة" على قناة ON، سألت الإعلامية لميس الحديدي سميرة سعيد "الساعة 2 بالليل أو 2 الصبح، بقى إنت لو كلمتي حد أو رنيتي على حد مش حيرد عليكي؟"، لترد: " لا طبعا حبايبي كتير والله حيردوا عليا."

وعن موضوع الأغنية قالت: "لما تامر وعزيز سمعوني الغنوة حسيت إنها أولا بعيدة عن قضايا الحب. مش بتتكلم عن حكايات الحب ومشاكلها. هي بتتكلم عن واحدة زهقانة من الوحدة ومن اللي حاصل. ممكن الوحدة اللي حسينا بيها كلنا في الفترة الأخيرة، وممكن واحدة حاسة بوحدة ملهاش علاقة بحب أو بطرف آخر. فهي بتدور على أصحاب تكلمهم في الوقت ده فمش لاقية حد. في الآخر الجملة المهمة جدا بالنسبالي، الميزة إن الواحد يحكي لنفسه، ويفرح ويزعل مع نفسه، عشان ميشيلش همومه ومشاكله لحد."

وعن الأغاني المنتظر أن تطرحها في الفترة المقبلة، قالت: "عندي حوالي 20 أغنية عاملاهم من زمان، والمفروض في الصيف حنزل كل شهر أغنية، وعلى الشتا أخلي الجرعة أتقل، وأخش في حتة الشجن والرومانسية والطرب."

وأضافت: "الشهر الجاي عندي أغنية فرانكو أراب مصري إنجليزي فرنساوي، فيها شوية من شكل السبعينات في المزيكا. وعندي كمان إنسان آلي من الحاجات اللي حتنزل في الصيف، وشوية حاجات خفيفة مبهجة تنفع لبهجة الصيف."

يذكر أن أغنية "الساعة اتنين بالليل" من كلمات تامر حسين، ألحان عزيز الشافعي، توزيع وسام عبد المنعم وهندسة صوت أمير محروس.