موقف طريف مع منى زكي ومحمد فراج بسبب نقاب ياسمين وافي

فى سينما وتلفزيون

الخميس , 3 يونيو 2021 - 02:00

روت الفنانة ياسمين وافي موقفا طريفا حدث في كواليس تصوير مسلسل "لعبة نيوتن"، بسبب نقاب "شيرين"، الشخصية التي جسدتها في المسلسل، أخت "مؤنس".

وخلال لقائها مع الفنان إدوارد، والإعلامية نانسي مجدي في برنامج "القاهرة اليوم" على قناة ألفا، قالت ياسمين وافي: "أستاذ تامر محسن طلب مني أول يوم مرفعش النقاب، في مشهد استقبال هنا [منى زكي] ومؤنس [محمد فراج]، وسألته ليه؟ قال هما عايزين يعرفوا مين في الدور وأنا مش مريحهم..دخلت وفعلا حاطة النقاب وهما واقفين، وأستاذة منى زكي عمالة تبصلي عايزة تجيبني من العين وتخمن. خدنا الشوت من زاوية فراج وزاويتي وزاوية أستاذة منى، وبعد كده حناخد شوت تاني من زاوية تانية. رحت قعدت بعيد عشان مبقاش لزجة، وأسيبها براحتها تتنفس. لقيتها بتندهلي وبتقولي قاعدة بعيد ليه؟ ثم الجو حر مترفعي النقاب، قلتلها مليش دعوة أستاذ تامر قايلي. قالتلي إنت ياسمين صح؟ استغربت جدا، وقلت متلخبطة بين حد تاني وبيني. قالتلي أنا بتفرج على مسلسل « إلا أنا » إنت ياسمين صح؟ عينيكي إنت."

وأضافت: "الإفيه إن فراج صور معايا المشهد، وهو صاحبي من زمان من الجامعة، وجمعتنا كواليس عروض، وفي المشهد حضنته وسمع صوتي. ولما شافني استغرب إزاي عدى المشهد من غير ما يعرفني."

يذكر أن مسلسل "لعبة نيوتن" من تأليف وإخراج تامر محسن، إنتاج ميديا هب، وبطولة منى زكي، محمد ممدوح، محمد فراج، سيد رجب، عائشة بن أحمد، مايان السيد، آدم الشرقاوي وآلاء سنان.