دنيا سمير غانم مع والدها في الطفولة: بحب "فطوطة" أد البحر وأكبر

فى سينما وتلفزيون

الأربعاء , 2 يونيو 2021 - 01:31

عرضت الإعلامية لميس الحديدي، خلال تقديمها حلقة الليلة من برنامج "كلمة أخيرة" على قناة ON، لقاء تليفزيونيا أجرته الإعلامية سوزان حسن مع الفنان الراحل سمير غانم، وظهرت فيه ابنتاه الفنانتان دنيا وإيمي سمير غانم في طفولتهما.

وسألت سوزان حسن الطفلة دنيا سمير غانم "بتحبي فطوطة؟" فأجابت: "آه أد البحر وأكبر،" قبل أن تغني مع أختها إيمي أغنية فوازير فطوطة.

وعن قصة شخصية وفوازير "فطوطة"، قال سمير غانم في اللقاء: "الأستاذ عبد الرحمن شوقي لما كتب النص كان كاتب على أساس في فكرة ابن بطوطة الرحالة، قال فطوطة هو اللي بياخد سمّورة ويلففه العالم. حتى لما بدأت الشخصية ورسينا على اسم فطوطة، لو تذكري حضرتك المتزوجون، يمكن أنا مشهور شوية بالكركترات واللبس الغريب، استوحى دي من فكرة لما لبست أنا في المتزوجون البدلة الواسعة وبعدين البدلة [الصغيرة] فقالي ليه متبقاش كده، ورسينا على اللون الأخضر."

وأضاف: "كلنا حبينا هذه الشخصية. الأول كنا متخوفين ومكناش نعرف إنها حتدخل بسرعة لقلوب الناس."