هشام الخشن يرشح محمود حميدة لشخصية في فيلم عن روايته "شلة ليبون"

فى سينما وتلفزيون

الأحد , 30 مايو 2021 - 19:20

رشح الروائي هشام الخشن الفنان محمود حميدة لأداء إحدى شخصيات فيلم مأخوذ عن روايته "شلة ليبون"، من إخراج ساندرا نشأت، وسيناريو تامر حبيب، وبطولة النجمين أحمد السقا وأحمد عز.

وفي مقابلة مع برنامج ET بالعربي، وردا على سؤال عن اقتراحه أسماء الممثلين في الفيلم، قال: "في شخصية واحدة، مش من السبعة، اللي أنا شايف مين يعملها. شخصية « يسري » أبو أحد الأبطال ومات سنة 1978، بس بداية الرواية عنده، وأنا شايف اللي حيبقى عظيم أستاذ محمود حميدة."

وعن العروض التي تلقاها لتحويل الرواية إلى فيلم، قال: "الحقيقة الحمد الله كان في أكثر من عرض في وقت واحد، وكان في عروض لتحويلها لمسلسلات على منصات جديدة، بس أنا خدت وقتي وخدت نفسي. لأن الأستاذ نجيب محفوظ كان له مقولة مشهورة، إن هو مسؤول عن الرواية، ولما تتاخد للسينما اللي بيحولها هو المسؤول عنها. أنا الحقيقة استدليت بدي بس خدتها خطوة تانية، زي ما تيجي تودي ابنك أو بنتك مدرسة بتتحرى عن المدرسة، عاوز توديه أحسن مدرسة. الحقيقة فريق العمل اللي إحنا وصلناله هو اللي شجعني."

وردا على سؤال "هل كانت لك أي شروط؟"، قال: "مكانش ليا شروط خالص. لأن لما تلاقي قدامك اتنين من أحسن الموجودين في مجالهم، مخرجة هايلة زي ساندرا، وكاتب سيناريو من أحسن الموجودين على الساحة، حتشترط إيه؟"