أشرف زكي: إحنا خارجين من ثورتين وعندنا مشاكل..محتاجين مسلسل يطرح قضية

فى سينما وتلفزيون

30 مايو 2021

حدد دكتور أشرف زكي، نقيب المهن التمثيلية، مشكلتين تواجههما صناعة الدراما في مصر هما إرضاء النجم، وتكرار الممثلين في الأعمال الفنية.

وخلال لقائه مع الإعلامية لميس الحديدي في برنامج "كلمة أخيرة" على قناة ON، قال أشرف زكي: "البدايات الخاطئة إن أنا برضي النجم، أنا هعمل مسلسل لفلان، لأ مفيش الكلام ده. أنا أعمل مسلسل سياسة البلد عايزة إيه، النهاردة عايزين الاختيار."

وأضاف: "أنا شفت مسلسل يسرا، مش وان مان شو، وهذا المسلسل من أعظم المسلسلات اللي اتقدمت السنة دي وطارح قضية. إحنا بنتكلم في إيه، إن إحنا نطرح قضية البلد محتجاها، إحنا بلد عندنا مشاكل خارجين من ثورتين."

وتابع: "تكرار الممثلين، إن نشتغل بعشرة يبقى هنا وهنا وهنا، فنستنى ده يعطل ده وده يعطل ده."

وتعليقا على إشارة لميس الحديدي إلى أن القضايا لا يجب أن تكون كلها وطنية، قال: "محدش قال وطنية. هي ليالي الحلمية مكنتش وطنية، والشهد والدموع، والمال والبنون."