أشرف زكي: "المتحدة" وضعت يدها في يد النقابة لتطبيق القانون..ولسنا ضد الوجوه الجديدة

فى سينما وتلفزيون

الأحد , 30 مايو 2021 - 01:05

أشاد الفنان أشرف زكي، نقيب المهن التمثيلية، بالقرارات التي أعلنتها الشركة المتحدة للخدمات الإعلامية وخطة التطوير الخاصة بها، ومنها التعاون بين الشركة والنقابة لتنفيذ قانون النقابة.

وخلال استضافته في حلقة الليلة من برنامج "كلمة أخيرة"، الذي تقدمه الإعلامية لميس الحديدي على قناة ON، قال أشرف زكي: "عايز أشكر الشركة المتحدة على المؤتمر، حاجة عظيمة ومبشرة. حتكلم عن في الجزئية اللي تخصني. أنا فاكر من تلات أربع سنين أو أكتر سألت سؤال، قلت لما أحب أكلم المسؤول عن ملف الدراما في مصر أكلم مين، مبقتش فاهم حاجة. النهاردة أنا عندي أسئلة كتير بقى ليها أجوبة. اتكلمنا عن عدالة التوزيع والأجور، وعلى أهم حاجة وهو تطبيق قانون النقابة. لأن أنا كنت بهاتي، مينفعش ممثل شغال في خمس ست أعمال وغيره بقاله خمس سنين مش شغال. مينفعش يبقى ممثل بياخد 20 مليون، وغيره مبياخدش ولا مليم، ومينفعش التمثيل يبقى مهنة من لا مهنة له."

وأضاف: "إحنا كنقابة مش ضد الوجوه الجديدة، ومش ضد يبقى في ناس مش خريجين، إنما بقى العكس هو اللي موجود، اتفرجي النهاردة على المسلسل 90% منه غرباء، و10 % شغالين."

وردا على سؤال "يمكن مواهب؟" قال: "شوفي مسلسل الاختيار، 95 % شبان من عندنا أعضاء في النقابة وخريجين معهد وطلبة معهد."