انتهى فريق عمل فيلم "ريتسا" من تصوير مشاهده، التي كان معظمها في مدن ساحلية منها الإسكندرية والغردقة، استعدادا لطرحه بدور العرض السينمائي.
وفي مقابلة مع برنامج ET بالعربي، تحدث النجمان محمود حميدة وأحمد الفيشاوي، بطلا الفيلم، عن علاقتهما الشخصية بعيدا عن العمل، فقال محمود حميدة: "أنا باعتبر نفسي واحد من آباء أحمد، لأن فاروق رحمة الله عليه [والده الفنان الراحل فاروق الفيشاوي] كان أصحابه كتير جدا، وأحمد كان معاه علطول، فمما لا شك فيه إن كل أصحاب فاروق هم بمثابة أب وأب آخر لأحمد. لكن أنا علاقتي بيه بقت خاصة ومستمرة، أشوف بيشتغل إزاي وبيذاكر إزاي وبيعمل إيه، حاجة مهمة عندي. ولكن في الشغل مفيش الكلام ده. في الشغل هو زميل وممثل كبير جدا بحب أشتغل معاه."
أما أحمد الفيشاوي فقال: "أنا وأستاذ محمود أصدقاء أكتر بكتير مما هوا كان صديق والدي. هما كانوا بيحبوا بعض جدا طبعا، بس مكانوش قريبين زي ما إحنا قريبين."
يشار إلى أن فيلم "ريتسا" إنتاج شركة الجذور للإنتاج الفني والتوزيع، وتأليف معتز فتيحه، وإخراج أحمد يسري، وهو من بطولة محمود حميدة، أحمد الفيشاوي، عائشة بن أحمد، مريم الخشت، مي الغيطي، أمير المصري، كارولين عزمي ويوسف عثمان.