علق الفنان أشرف زكي، نقيب المهن التمثيلية، على فكرة تدشين عدد كبير من نجوم الوسط الفني حملة لدعم الفنان شريف دسوقي، الذي خضع مساء أمس الإثنين لعملية بتر قدم سكري.
وخلال مداخلة هاتفية مع الإعلامي محمد مصطفى شيردي في برنامج "الحياة اليوم" على قناة الحياة، قال أشرف زكي: "أنا بحترمهم، اللي عايز يعمل حاجة النقابة موجودة، وحساب النقابة موجود تحول لنا عليه. وأنا على فكرة يوم جنازة أستاذ سمير غانم، بعد ما رجعت منها كتبت رسالة على الجروب بتاع الفنانين قلتلهم على موضوع شريف دسوقي، والله وأنا مازلت باكتب الرسالة واحدة من الفنانات رافضة ذكر اسمها قامت محولالي مبلغ علطول."
وأضاف: "إحنا عندنا جروب اسمه « ساعدوا زملاءكم » الجروب ده مبيتأخرش عن حاجة. وخليني أذكر بالخير الفنانة الجميلة العظيمة دلال عبد العزيز، والفنانة دنيا سمير غانم، اللي كانوا سباقين في أي حاجة وأقسم بالله شهادة حق أمام ربنا."