طارق الشناوي ينتقد تصريح حورية فرغلي عن أمينة خليل ومحمد رمضان: مكانش لازم تقوله

فى سينما وتلفزيون

الثلاثاء , 25 مايو 2021 - 18:40

انتقد الناقد الفني طارق الشناوي تصريحات تليفزيونية للفنانة حورية فرغلي تحدثت فيها عن أن الفنانة أمينة خليل لم تسأل عنها في فترة مرضها رغم صلة القرابة بينهما، وكذلك الفنان محمد رمضان، رغم مساندتها له في فيلم "عبده موتة" وفيلم "قلب الأسد".

وخلال حلوله ضيفا على الإعلامية بسمة وهبة، في أولى حلقات برنامج "90 دقيقة" التي تقدمها على قناة المحور، قال طارق الشناوي: "تركيبة حورية فرغلي تركيبة إنسان عفوي وطيب جدا، تقول اللي جواها ومتضعش أي معايير للمنع، وبالتالي اللي قالته مكانش لازم تقوله."

وعن معرفته بها قال: "قابلت حورية فرغلي يمكن مرة واحدة في مالمو في السويد، حكتلي كل اللي قالته وحاجات تانية، حتى حاجات متعلقة بيها كامرأة حكت كتير، مع إن اللي بتحكيله مش صاحبها، مع إن يشرفني طبعا، بس في واقع الأمر إحنا مش أصدقاء. ثانيا صحفي ممكن يكتب، أنا طبعا مكتبتش وهي مطلبتش."