مصطفى شعبان في أول لقاء تليفزيوني من 2010: شاركت في "ملوك الجدعنة" لأنه بروح "سلام يا صاحبي"

فى سينما وتلفزيون

الثلاثاء , 25 مايو 2021 - 00:21

استضاف الإعلامي عمرو أديب في حلقة الليلة من برنامج "الحكاية" على قناة MBC مصر النجمين عمرو سعد، ومصطفى شعبان، في أول لقاء تليفزيوني له منذ 10 سنوات، وبعد النجاح الذي حققه مسلسلهما "ملوك الجدعنة" في رمضان الماضي.

وردا على سؤال عن فكرة وجود بطلين في المسلسل، قال مصطفى شعبان: "الفكرة أصلا قالهالي الأستاذ صادق الصباح في التليفون، قالّي عايزين نعمل حاجة عن الصحاب، قلتله يعني إيه؟ زي سلام يا صاحبي؟ قالّي مش الفيلم بس المضمون بتاع الفيلم، وفكرة الصحوبية الحقيقية، قلت ممتاز، قالّي وعمرو سعد، قلتله ممتاز هو موافق؟ قالّي هو موافق جدا، قلتله مبروك."

وردا على سؤال "عادل إمام وسعيد صالح؟" قال: "بغض النظر لأن أصلا القصة دي فيلم أجنبي، وهي رواية أصلا، وحالة مفتقدة في الدراما والسينما بقالها فترة، إن أنت تتكلم عن اتنين صحاب رجالة بيحبوا بعض حب رجولي فيه تعاون وإخلاص، وكان حلو إن ده يبقى شكل الحارة بتاعتنا، لإن هي دي الحارة المصرية الحقيقية."

يذكر أن مسلسل "ملوك الجدعنة" سيناريو وحوار عبير سليمان وأمين جمال، إخراج أحمد خالد موسى، بطولة عمرو سعد، مصطفى شعبان، عمرو عبد الجليل، أحمد صفوت، ياسمين رئيس، رانيا يوسف، دلال عبد العزيز، مريم أمين، وليد فواز وبسمة داود.