صابرين: قلبي واجعني على دلال عبد العزيز..وفاة سمير غانم المشهد التراجيدي الوحيد في مشواره

فى سينما وتلفزيون

الأحد , 23 مايو 2021 - 01:05

نعت الفنانة صابرين الفنان سمير غانم قائلة: "الله يرحمك يا سمورة ويا فطوطة ويا تاريخنا. تاريخ جميل كله بهجة."

وخلال اتصال هاتفي مع الإعلامية لميس الحديدي في برنامج "كلمة أخيرة" على قناة ON، قالت صابرين: "قعدنا ندور له على مشهد تراجيدي في كل مشواره الفني، معملش عمره مشهد تراجيدي، بس كان أكبر مشهد تراجيدي يوم خبر وفاته ويوم الجنازة."

وردا على سؤال: "تقولي إيه عن سمير الإنسان؟"، قالت: "كان مهموم قوي باللي بيقدمه بس، لا سياسة أتكلم، ولا طائفة مضايقها، حتى في الكورة يطلع في أحاديثه بمنتهى خفة الدم والروح المصرية الجميلة اللي محدش يزعل منه. عمري في حياتي ما شفت عامل ولا زميل اشتكى من سمير غانم، حتى ولاده ما شاء الله متربيين بنفس الروح دي، ودلال خفة دم محصلتش. أنا قلبي واجعني على الست اللي بـ 100 راجل، اللي كانت بتعزي كل الدنيا، وتسافر وتركب طيارة عشان تعزي الناس."