مها أحمد تستعيد ذكريات السفر للعراق مع سمير غانم ومجموعة من الفنانين

فى سينما وتلفزيون

السبت , 22 مايو 2021 - 20:52

روت الفنانة مها أحمد ذكريات رحلة للعراق جمعت بينها وبين الفنان الراحل سمير غانم ومجموعة من الفنانين ضمت أحمد بدير، وعايدة رياض، ولقاء الخميسي، وديانا كرزون.

وخلال تقديمها برنامج "تفاحة مصرية" على قناة الشمس، قالت مها أحمد: "كان حلم عمري إني أشتغل معاه، وكنت حاشتغل معاه في مسرحية ومحصلش نصيب، بس حصل نصيب إن أنا سافرت معاه سفرية وإنتو عارفين الإنسان بيبان في السفر...وبالفعل سافرنا، أد إيه هو ملتزم وفعلا تتعلموا منه الالتزام، حنجتمع مثلا الساعة 10، 10 إلا 5 تلاقي أستاذ سمير غانم مستني. وأد إيه عشرته طيبة وجميلة، وعلشان عنده بنات بيدلع كل بنت يشوفها ويطبطب على كل بنوتة كأنها بنته. ورغم إني أكبر من بناته سنا بس كان يطبطب عليا، ويقولي تعالي إنت دمك خفيف قوي. وأد إيه لسانه حلو وزوق، لما يشوف أي حد لابس حاجة حلوة أو بيعمل أي تصرف حلو كان بيعلق بشياكة. حقيقي إحنا افتقدنا مدرسة مهمة في الكوميديا والأخلاق."

كما روت مها أحمد حديثا دار بينها وبين الفنان الراحل قائلة: "لما قالي إنت اشتغلت مع مين من الكوميديانات، قلت له يا أستاذ أنا كانت بدايتي مسرح، ونفسي أشتغل معاك لو أعدي بس من على المسرح...وقلت له مع أستاذ سعيد صالح، رد عليا وقال يا بختك إنك اشتغلت مع سعيد صالح، يا رب تكوني اتعلمت حاجة من سعيد صالح، قلت له يا أستاذ أنا حافضل عمري كله أتعلم من أستاذ سعيد صالح."