الناقدة حنان شومان تنتقد مها أحمد: لم تقدم عمل ليه قيمة فنية قبل كده

فى سينما وتلفزيون

18 مايو 2021

علقت الناقدة الفنية حنان شومان على الأزمة التي حصلت في الأيام الماضية بين الفنانة مها أحمد، والفنانين أحمد السقا وأمير كرارة.

وفي اتصال هاتفي مع الإعلامي سيد علي مقدم برنامج "حضرة المواطن" على قناة الحدث اليوم، قالت حنان شومان: "رأيي الخاص تعليق مها أحمد في غير محله. وهي للأسف تصور نفسها، وأنا مضطرة أقول كده لأن هي علقت أو كتبت إنها كانت بطلة، وكانوا بيجروا وراها في الأفلام. الحقيقة مها أحمد لم تقدم كتقييم فني عمل له قيمة فنية قبل كده. كان كلها حاجات نقول فيها لايت كوميدي، ومش لايت كوميدي قيم."

كما أوضحت حنان شومان رأيها في أفلام موسم عيد الفطر الماضي قائلة: "للأسف رغم إن اسمه عيد بس عيد كئيب على صناعة السينما. وإحنا صناعة السينما عندنا كانت بقالها من 2010 وهي تلفظ أنفاسها، وجت الكورونا جابت ضرفها زي ما بيقولوا."

وأضافت: "طبعا إنك يأتي موسم عيد، وكل اللي تنزل 3 أفلام جديدة وفيلم كان معروض من قبل كده طبعا شيء محزن جدا، والأفلام مش إنتاج كبير، والإيرادات اللي قلتها مش هزيلة، دي المفروض كانت في أحيان كتيرة إيرادات نص يوم."