عمرو أديب لمحمد رمضان: لف لفتين بطيارتك..وابقى قابلني لو نسيت مشهد موت الطيار

فى سينما وتلفزيون

الأحد , 25 أبريل 2021 - 00:04

قال الإعلامي عمرو أديب إن وفاة الطيار أشرف أبو اليسر، الذي رفع على الفنان محمد رمضان قضية قبل وفاته، أثارت ردود أفعال عنيفة جدا في المجتمع المصري.

وخلال تقديمه حلقة السبت من برنامج "الحكاية" على قناة MBC مصر، قال عمرو أديب موجها حديثه لمحمد رمضان: "ربنا مش حيسيبك، لأن الخير اللي عملته مع الطيار، ومع الشاب اللي عمل معاك الإعلان، ولما استفزيت الشعب المصر كله وإنت بترمي الدولارات في الميه، قلت لك يا محمد. مشهد الراجل وهو بيموت مش حيضايقك كتير. تقدر تركب طيارتك وتلف لفتين، وإن شاء الله إبقى قابلني لو عرفت تنسى المشهد."

وأضاف: "ربنا كبير، وطبعا واحد عظيم زيك، وحد بيعمل أشياء عظيمة زي اللي إنت بتعملها، لازم ييجي اليوم النهاردة وياخد جزاؤه. وربنا يجعل كل دعا لحد في الأيام المفترجة دي إن شاء الله من نصيبك. وروح إعمل لي فيديو تاني حأرفع بيه برضه عليك قضية. خد كلامي وإعمل لي بيه فيديو تافه."

وواصل: "الله يرحم أبو اليسر، والله يرحم حاجات تانية كتير يا محمد مفيش مجال أذكرها لك، من عظمتك وأخلاقك وجهدك واللي بعرق جبينك."