إلهام شاهين: اختلفت مع نبيلة عبيد على مسلسل "أم كلثوم"..وفجر السعيد كانت صديقتي..وزعلت من فيفي عبده في أول دخولها التمثيل

فى سينما وتلفزيون

الأربعاء , 21 أبريل 2021 - 01:58

حلت الفنانة إلهام شاهين ضيفة على حلقة الثلاثاء من برنامج "شيخ الحارة والجريئة"، وكشفت للمخرجة إيناس الدغيدي خلال فقرة "عدو ولّا حبيب" كواليس خلافها السابق مع الفنانتين نبيلة عبيد، وفيفي عبده، وسبب استيائها من الإعلامية الكويتية فجر السعيد.

وعن نبيلة عبيد، قالت: "حبيبتي. في فترة اختلفنا على مسلسل « أم كلثوم » وبعدين بقت حبيبتي. كانت فترة صغيرة، ولا أنا ولا هي عملنا المسلسل والحدوتة خلصت."

وعن فجر السعيد، قالت: "كانت صديقتي، ومفيش حاجة شخصية بيني وبينها، لكن كانت قالت حاجة دمها تقيل على نجمة كبيرة، الأستاذة نجلاء فتحي، وأنا بأعشق نجلاء فتحي، وماأقدرش حد يهوب جنبها. زعلت قوي وقلت فنانين مصر خط أحمر وهاجمتها."

وعن سبب الخلاف مع فيفي عبده، قالت: "زعلت منها في فترة كانت هي لسة جديدة خالص في التمثيل. كان فيلم مع أستاذ أشرف فهمي أنا وهي، وأنا عاملة عقد معاه، وزمان كنا نهتم نكتب في العقد الاسم يتكتب إزاي، وأنا اسمي مكتوب الأول."

وأضافت: "المنتج ماعملش أفيشات للفيلم، وقال مش معايا فلوس عشان يستغل فيفي. عملت أفيشات على حسابها وكتبت اسمها الأول، وخلتهم شالوا أفيشاتها كلها بالقانون، وطبعا زعلت. لكن الموضوع خلص وبقينا أصحاب جدا."