إلهام شاهين: وقفت مع رانيا يوسف في موضوع "البطانة"..ونفسي ما تركزش على لفت النظر

فى سينما وتلفزيون

الثلاثاء , 20 أبريل 2021 - 20:53

استضافت المخرجة إيناس الدغيدي في حلقة اليوم من برنامج "شيخ الحارة والجريئة" على قناة القاهرة والناس الفنانة إلهام شاهين.

وردا على سؤال إيناس الدغيدي: "شايفة تصرفات رانيا طبيعية، ولّا فيها شوية زيادة،" قالت:"فيها لفت نظر، فيها حد عايز يلفت النظر."

وردا على سؤال: "إنت علاقتك بيها كويسة، عمرك قلتي لها بلاش كده،" أجابت: "جدا. أنا قبل كده وقفت معاها جدا، وقلت إيه يعني لما لبست الفستان اللي قعدوا يقولوا البطانة، لأن ده بيحصل فعلا. أنا عندي فستان ومرة حصل كده، لما يبقى البطانة ستريتش ممكن مع المشي والحركة تترفع، قلت جايز هي فعلا مش قاصدة."

وردا على سؤال "عندها نجومية عالية، لماذا لفت النظر؟،" قالت: "أنا بأحبها، ومثلت معايا في كذا حاجة، كانت معايا في فيلم ريجاتا، وهي ممثلة هايلة، ومثلت معايا زمان أظن في الحرافيش، وأنا نفسي ما تركزش على الأشياء اللي تلفت النظر."

وأضافت إلهام شاهين أنها ترفض عمل شيء يمكن أن يتحول إلى "تريند" إذا كان يسيء لها.