إلهام شاهين لـ"شيخ الحارة": مفيش اتصال بيني وبين آثار الحكيم..وإنت سخيف بجد

فى سينما وتلفزيون

الثلاثاء , 20 أبريل 2021 - 20:04

وجه "شيخ الحارة" سؤالا للفنانة إلهام شاهين، خلال استضافتها في برنامج "شيخ الحارة والجريئة" على قناة القاهرة والناس، عن علاقتها بالفنانة آثار الحكيم.

وخلال لقائها مع مقدمة البرنامج، المخرجة إيناس الدغيدي، ضحكت إلهام شاهين من السؤال، وقالت: "والله العظيم إنت سخيف بجد، مفيش اتصال، مفيش مناسبة، وإحنا أصلا مفيش صداقة قوية، زمالة مش أكثر، وخليك في حالك إنت عايز أي مصيبة."

وكان "شيخ الحارة" قد وجه لإلهام شاهين قبل ذلك سؤالا عن حقيقة حصولها على جوائز مقابل دفع مبالغ مالية، فأجابت: "عمري ما أخذت جوايز بالكوسة. في فنانة زميلة بدون ذكر أسماء كتبت في روز اليوسف. كان ليها مسلسل في رمضان، وأنا ليا مسلسل في رمضان، وفي مهرجان التليفزيون أنا أخذت جائزة أحسن ممثلة للسنة الثالثة على التوالي. قالت طبعا أنا ما أخذتش الجايزة، وطبعا إلهام شاهين أخذتها السنة دي والسنة اللي فاتت، وطبعا حتاخدها السنة الجاية واللي بعدها - بتتريق - وأصل بالنسبة لها مش مشكلة أبدا تدفع 100 ألف جنيه وتاخد جايزة، لكن أنا عاقبتها كويس على الجملة دي."

وأضافت إلهام شاهين: "أنا رديت عليها كويس قوي، وقلت لها على فكرة، لو عرضوا عليا تاخدي 100 ألف جنيه ولّا جايزة أقول هاتوا 100 ألف، أنا أدفع ليه. زميلة مابتحبش الخير لزميلاتها، وعلى فكرة هي دلوقت ما بتمثلش، عشان الناس مخها مايروحش لحد من زميلاتي وصديقاتي الموجودين على الساحة."