أحمد فهمي عن خلافه مع شيكابالا: الموضوع إتلم..إحنا إخوات ومفيش مشاكل

فى حياة المشاهير

الثلاثاء , 6 أبريل 2021 - 02:58

أوضح الفنان أحمد فهمي أن خلافه مع لاعب نادي الزمالك شيكابالا أقفل، وهما يفضلان عدم الكلام فيه نظرا لحساسيته.

وخلال استضافته في برنامج "يوم ليك" الذي تقدمه الإعلامية سمر يسري على قناة الحياة، تحدث أحمد فهمي عن جذور ذلك الخلاف، وقال إنه كان يمزح عندما قال بعد مباراة نهائي إفريقيا بين الأهلي والزمالك إن هدف شيكابالا لن يتذكره أحد، كنوع من "التحفيل" بين الأهلاوية والزملكاوية.

وعن سبب خلافه مع شيكابالا، قال: "ساعة الماتش اللي كسبوه في السوبر، كتبت بوست وصل له، البوست ده لامني عليه في الفرح، الكلام جاب بعضه، غلطنا في بعض والموضوع كبر."

وأضاف أحمد فهمي أنه أخطأ لأنه لم يتصل بشيكابالا ليعاتبه، أو لأنه أخرج سرا بينه وبين أحد أصحابه.

وعن سبب عتابه لشيكابالا، قال: "هو أيقونة لجمهور نادي الزمالك وللنادي، وكابتن فرقة، ما ينفعش أي حاجة تستفزك، وده بيحصل لي أنا كمان. في حاجات تطلع منه ساعات لا تليق بإنه أيقونة ليه مكانة كبيرة عند جمهور الزمالك.

وعمّا إذا كان يرى أن شيكابالا كان محقا في الاستياء منه، قال: "في حاجات طبعا كان ليه حق، وحاجات تانية إتقال عليا حاجات ما حصلتش. لو راجعتي إنستجرام عندي قبل خناقة شيكابالا، لما كانت في حاجات عنصرية وتعصب ضد شيكابالا، تلاقي صورة لشيكابالا، وأنا كاتب أنا معاه في موضوع كذا وكذا. وده كان بعد البوست وقبل الخناقة."

وتابع: "أنا وهو مش عايزين نتكلم في الموضوع، عشان مش عايزين احتقان، لأن الموضوع ده كان فيه تجاوز مش تحفيل. لما توصل بين ممثل ولاعب كرة معروفين يعتدوا على بعض بالألفاظ ده مش تحفيل."

وردا على سؤال عن المخطئ في الخلاف من وجهة نظره، قال: "أنا بدأت بالبوست، لكن لما إتقابلنا مش أنا اللي بدأت. كنت داخل بأسلم كويس جدا، ما ينفعش أتشتم على المسافة دي وأسكت، أي حد حيشتمني على المسافة دي أكيد حيبقى فيه خناقة. الموضوع إتلم الحمد الله، إحنا إخوات ومفيش مشاكل."