أحمد فهمي: مقارنة سمير غانم بأي كوميديان ظالمة..وعادل إمام صنع تاريخا له ولمصر

فى سينما وتلفزيون

الاثنين , 5 أبريل 2021 - 21:04

أوضح الفنان أحمد فهمي أنه كممثل كوميدي يحب أن يكون في مدرسة الأستاذ عادل إمام.

وخلال حواره مع الإعلامية سمر يسري في برنامج "يوم ليك" على قناة الحياة، تحدث أحمد فهمي عن المدارس الكوميدية للفنانين سمير غانم، وعادل إمام، ومحمد صبحي، وقال: "ممكن نخرج سمير غانم خارج هذه الحسبة. لأن مقارنته دايما بأي كوميديان حتى لو بره ظالمة. الراجل ده لو قرأ الجرنال حيضحكك، هو غريب ومعجزة."

وأضاف: "الزعيم مش كوميديان فقط، وقلتها قبل كده كتير، عادل إمام أنجح ممثل في العالم في بلده."

وتابع: "طبعا كلهم أساتذة، حأقول الأول أستاذ عادل، عشان عمل حاجات كتير قوي وتاريخ كبير لمصر مش لنفسه فقط. أستاذ سمير غانم، مع إنه المفضل بالنسبة لي وفي حتة تانية صعب قوي حد ينافسه فيها. وأستاذ محمد صبحي أستاذ كبير."